قصيدة روعة للشاعر ميثم فالح

السلام عليكم .......
هذي قصيدة الشاعر المبدع ميثم فالح التي قدمها في مهرجان الشعر الشعبي

يختلف طعم الهوه مابين شبر وشبر
چن طعم جنة ونار
عصفور شفته بقفص ..
رغم الهوه البقفص بس طلع المنگار
****
غمض عيونه الجرح يحلم يطيب
شاف روحة امراية گابلهه جرح
وشاف شوك الليل عافت كل مچان
حظه عاثر جابهه بعين الصبح
ابيض شراع السفينه اشگد جبان
گبل لا يبحر رفع راية صلح
ورسمنه اجروحك اعله اخدودنه اشموع
ورماد اجروحنه يشتعل نيران
اعله عكازه صبرنه الارض خطار
واخاف ابهزة يوگع نبي سليمان
وصهيل السرب مرحب طب للبيوت
وصوره لحيدره هزت الحيطان
تراوالي علي في خبر يصيح
اعه خيبر ما اخلي اليوم بيبان
سمعنه شگد گبل عن وادم تموت
ومثل موت اهلي ما مر مره عنوان
طبعهه اعله الجبل ثور البراكيين
بس عندي اعله سوگي يثور بركان
دنگنة انتصالح خل يدنگون
رفعوا مكرمة مدنگ الخوان
اعله شمرة طگت ايدك حصتك اتصير
الحذوه حصتك لو ظهر الحصان
العيون رمد لا يكض غربيل
ويحطة اعله الشمس ويگول غطيت
هوه عيونه عميه الوادم اشلون
تچذب ارواحهه وتگله ضحيت
للمذهب النصرة انطيتك الصوت
ابره من علي لو باچر اطيت
الحر من انتفض حرر ميادين
وكسر من ايده قيد الجاذبيه
ما ابلك عراقك ينتفض يوم
ياقيد التبات بحظنة اديه
بكل دولة اليجيد العزم فنان
ربك كرمة بهل القابلة
بس عندي السياسي يعني فنان
يعزف عالاوتار الطائفية
گالوا هالشعب يتطور انريد
وشهادة لكل بشر بيه الزمن فات
شهادة لكل مواطن ذبحا يموت
صبح نص الشعب يحمل شهادات
شما ردناهه تصفة يغنتب الغيم
وگصيرة چفوفنة وتشوف العيون
شبان التذبح عمر الورود
كل اعمارهم من اعزب ودون
ثاري ايد التخط رهمت على الشاب
وحتى بچلمة الشايب يغلطون
اشوفك ياوطن چن كاظ الباب
مثل والد نطر ولده اليطلعون
رغم كل ليلة يوگف كاظ الباب
يرد النوم اله حد مايردون
اولادة وعليهم عمر تعبان
يومية نقص واحد يطبون
لخصرك ماوصل كل خصر السيوف
ولاشال الشراسة البيك صياد
سادات العرب من گبل الاسلام
ماظن بصفاتك چانت اسياد
من تمشي القبائل كلها ترتاب
لمجد نظرات عينك تركع امجاد
ماريد اتفاخر جدك اشچان
واجب تفخر بيك كل الاجداد
الاخطل والحطيئة تحيروا بيك
وبوصفك جرير بكبرة ماجاد
من تفرح ثمود لفرحك تعود
ومن تحزن يرد كل الجرة العاد
شعجب تبعد علي من ردت امر بيك
يلبيك الغرور امطعم اعناد
مالزمك حبيبي بقصد موزين
الزمك خاطر اخذ منك امراد

تقبلوا تحياتي